As estatísticas públicas de Fillos.org deixan de estar accesibles por problemas técnicos

Nestes últimos días tivemos problema de sobrecarga no noso servidor debidos á aplicación Dinastats do noso fornecedor Dinahosting. Ao estaren accesibles a calquera internauta as estatísticas desta aplicación no enderezo http://www.fillos.org/dinastats2/ e non estar optimizada para webs tan visitados coma o noso, provocaba caídas do sistema con demasiado frecuencia. Polo tanto decidimos volver a poñelas privadas.

Se calquera persoa ou entidade está interesada en coñecer as estatísticas actualizadas de visitas a Fillos.org pode solicitárnolas poñéndose en contacto connosco. Outras cifras históricas tédelas na nosa habitual sección estatisticas.fillos.org. Lamentamos os problemas ocasionados, pero pareceunos que ofrecer esta información ao público era unha mostra de transparencia convinte dentro do proceso aberto de Un futuro para Fillos no que convocamos a outras entidades a se faceren cargo dos nosos servizos.

Esta entrada foi publicada en Fillos de Galicia. Garda a ligazón permanente.