Fillos.org sobrevivirá integrándose en Blogaliza (Código Cero)

Código Cero foi dos primeiros medios en trasmitir a boa nova do acordo que permitirá a supervivencia de Fillos de Galicia:

A primeiros do verán, falabamos do comezo do desmantelamento dos proxectos na Internet ao amparo de Fillos.org, que servían para conectar aos galegos na emigración, ante a imposibilidade de atopar quen collese o relevo desta iniciativa tras facer unha convocatoria aberta para tal, pero finalmente atopouse unha saída a esta crítica situación grazas á empresa Algueirada, responsable do servizo de blogues en galego Blogaliza, que vén de asinar un convenio de colaboración con Fillos de Galicia para evitar a desaparición do proxecto nacido en 1997 e que conseguiu sumar preto de 7.000 usuarios rexistrados.

Deste xeito, Fillos.org intégrase en Blogaliza, o que garante a súa supervivencia, aínda que outros proxectos de Fillos de Galicia como Atopadoiro.org continuarán baixo a xestión directa da súa asociación nai. Os responsables de ambas organizacións felicítanse polo acordo acadado e agardan que sente as bases para novos proxectos a prol da cultura e a lingua galega no exterior.

Fillos.org sobrevivirá integrándose en Blogaliza

Esta entrada foi publicada en Fillos de Galicia, Fillos nos medios. Garda a ligazón permanente.